Манай улс 2018 онд Донорын тухай хуулиа шинэчлэн тархины үхэлтэй донороос эрхтэн шилжүүлэн суулгах боломж бүрдэж Эс, эд, эрхтнийг шилжүүлэн суулгах үйл ажиллагааг зохицуулах алба байгуулагдсан. Алба байгуулагдсанаас хойш 2018 онд 1 тархины үхэлтэй донороос 2 хүний амь нас аварсан бол 2019 онд 8 тархины үхэлтэй донороос 19 хүний амь нас аварсан юм. 2020 онд 5 сарын байдлаар 2 тархины үхэлтэй донороос 4 хүний амь нас авраад байна.
Монгол улсад бөөр шилжүүлэн суулгах баг(УНТЭ), элэг шилжүүлэн суулгах 2 баг (УНТЭ, ХСҮТ), ясны чөмөг үүдэл эс шилжүүлэн суулгах баг (УНТЭ), нүдний эвэрлэг шилжүүлэн суулгах 2 баг (УНТЭ,Сондра) -ууд амьд болон тархины үхэлтэй донороос эрхтэн шилжүүлэн суулгах эмчилгээг маш амжилттай хийж байгаа билээ.
Мөн донор эмнэлгүүд болох УГТЭ, ГССҮТ, УНТЭ-ийн хамт олондоо Донорын тухай хууль, Эрүүл мэндийн сайдын 2018 оны “Журам батлах тухай” А/500-А/504 тушаал, 2019 оны А/164 дүгээр тушаал болон Хамтран ажиллах гурвалсан гэрээг мөрдөж ажиллаж байгаад тань талархал илэрхийлж байна.
ЭРҮҮЛ МЭНДИЙН ХӨГЖЛИЙН ТӨВИЙН ЭС, ЭД, ЭРХТНИЙГ ШИЛЖҮҮЛЭН СУУЛГАХ ҮЙЛ АЖИЛЛАГААГ ЗОХИЦУУЛАХ АЛБА
