Тус төвийн Эс, эд, эрхтнийг шилжүүлэн суулгах үйл ажиллагааг зохицуулах албаны дарга П.Батчулуун Азийн эрхтэн шилжүүлэн суулгах нийгэмлэгийн 18-р их хурал (CAST 2023)-д уригдан амжилттай оролцож байна. Тэрээр тус хуралд “Монгол улсад амьгүй донороос эд, эрхтэн шилжүүлэн суулгах эмчилгээний өнөөгийн байдал, ирээдүйн чиг хандлага” болон “Монгол улс дахь эд, эрхтэн шилжүүлэн суулгах үйл ажиллагааны зохицуулалт, зохион байгуулалт” сэдвээр илтгэл тавьж оролцож байна.
Уг хурал нь хоёр жилд нэг удаа зохион байгуулагддаг бөгөөд энэ удаагийн хурал БНХАУ-ын Хонконг хотод 2023 оны 8 дугаар сарын 25-28-ний хооронд зохион байгуулагдаж байна.
